مستوى CCNP في سيسكو كويس جدا في الشغل بس تبقى فاهم التطبيق العملي مهم جدا تكون قضيت معاه فترة كويسة
ماتطلعش لمستوى CCIE وتاخد شهادة وتصرف وانت لسة ما شتغلتش ، لكن ممكن تقرأ وتطلع ولما تشتغل واحتجت CCIE دوس فيها ممكن تتوسع افقي وتعرف مع الراوتينج حاجات مثل security & ucs & wireless
حط خطة واضحة وانجز بسرعة علشان ماتملش من الشبكات
اتقن اوى الاساسيات اللى تخليك تقدر تشتغل في مكان حلو ، وتعلم شىء جنب سيسكو
اﻻنجلش مهم جدا حتى تقدر تشتغل بمكان كويس وﻻزم تقدر تدير حوار وتتواصل مع غيرك بسهولة ، انسى قصة الجرامر اللى ملخباط وحاول تمرن عضلات التحدث والحوار اكتر
ﻻزم تبقى قارئ جيد جدا بالانجلش حتى تستطيع المذاكرة لوحدك
اقرأ عن تصاميم الشبكات وكيف تعمل ميكس تكنولوجى CVD روعة ابحث عنه
حاول تعمل بزنس خاص لنفسك يمكن تطلع موهوب وتضرب معاك
لو اتعلمت برمجة جنب الشبكات مش معنى كده انك لغيت الشبكات ﻻ دى اضافة ليك وممكن تنفعك لو اشتغلت sdn
ﻻ تستمع للمحبطين وﻻ تجلس معهم اصلا
استخير الله قبل ما تدرس اى كورس
اسهل حاجة تاخدها شهادة على ورق واصعب شىء انك تتميز بفكرك عن اﻻخرين
حاول تسوق لنفسك بعمل شىء جديد او تطوير شىء موجود الى اﻻفضل
التكنولوجيا بتتطور كتير وبتقلل العامل البشري معاها خد بالك
بص على متطلبات الشركات دائما من مواقع التوظيف ومن linkedin
افضل فكرة في تطبيق الشبكات مع التدريب شفتها هو موقع نتوركات لاحمد نظمي
لما تحب تعرف انت كويس ف مجالك وﻻ لسة تقمص شخصية صاحب الشركة وبص لنفسك
التيكنيكال ﻻزم يبقى اسهل حاجة معاك وﻻزم تعدى مرحلته لان ممكن تطور مهارات تانية وتكبر زى إدارة فريق او مشروع وساعتها بدل ماتكونفجر حتدير اشخاص تكونفجر مكانك وتدير انت ميزانية ووقت وكواليتى
من اصعب اﻻشياء توقع مستقبل التكنولوجي رايحة فين ما تتعبش نفسك بالبحث عن جواب ، ممكن بكرة يحصل ما ﻻ تتوقعه ابدا فقول الله اعلم
برنامج MS Excel مهم جدا لحياتك المهنية حاول تتعلمه كويس وتشتغل بيه.
* تامر زين
خارج الموضوع تحويل الاكوادإخفاء الابتساماتإخفاء